আহের প্রজন্মের নিঙে
সুজিতা সিনহা
আমার মণিপুরী সমাজে দাঙর অর্জনহান ইলতাই আমারতাত ভিখারী নেই। ভিতাঘর নেই মানু আহিত বপ করে না পরের এহান ইলতাই আমার হাবিত্ত ডাঙর সম্পদহান। অর্থাৎ ভগবানে দিয়াছে আতদিয়হানিরে আমার মানুয়ে হাবিত্ত ডাঙর সম্পদহান বুলিয়া নিংকরতারা ।
গরর ভাত খাকুরা মানুয়ে বপ। ফুতিফানিততে মাতিমতা নেই। উরন পিদনেত অকরিয়া ফামর ফুতি পেইয়া নিজে বুলে পাররাং। আমার ফুতি বারো নাচালো বিশ্ব মিমাঙে আমারে চিনিছিতা। অসাদে গর্ব করানিরতা আরতাউ আরতাউ আছে। কুপকরে চেইলে পানা অকরের। লেরিক তামকরানি, পাকরানি এপাগা খানি খানি ক্যামোযারগাহান পারাইছে। এপাগাত কাকালিত খাংসেট বাঁধিয়া ক্যামোনার হতগো খামকরে নুয়ারলে মণিপুরীর হিন-দুক আহানির সম্ভাবনা বপ। আমি ওয়াত মানুর মানু তা থকিয়া প্রতিযোগিতা মূলক বিশ্ব এহানাত নিজরে পালকরতে গেলেগা লেরিক তামকরানি ছারা আরতা কিত্তাউ নেই। অতাইয়া লেরিকখারতুন পুন্নিংহান নাপকরেদে নুয়ারলে আমার জাতহান সৈনেই মিমুত ইতাঙায়।
এপাগা সমাজে যেতা হবানেইতা আছে অতা হাবি জাকারিয়া বেলিক, হবা বারাদে পুন্নিংচেলকরিক। লেরিকহান মনহান দিক, বিশ্বত পালুইয়া থাইক।
তিলকপুর, কমলগঞ্জ, মৌলভীবাজার।
তারিখ : ৩১/০৮/২০২০ ইং।
