বীরমনি
বীরমনি
******
কি নাঙে তুমারে মান দেনি
এরে বলি দানে হে ঠৈ দানি।
মাতেদেই নে,হে বীরমনি,
কিসাদে হুজানি এরে ঋণ।
বজ্র রওর সাদে বারুদে
গুর গুর রহিল উদিন,
রাজা হরিশ্চন্দ্র রাজা বলি
তুমার সাদে নাসি হে দানি।
দানর মাঝে মানর মাঝে
তুমি হে দানি তুমি হে মানি।
কাচা রকতে উদিন তুমি
লেইপাকে দিলাই হে চিন,
উদিনর রকতে হিনেয়া
তিঙেসে হে লালফামি বিন।
উদিনেত্ত ইমার আহিৎ
নেয়সে ঘুমর নকহানি।
না পাহুরতাঙাই ঔ দিন
যাকগা নে মারি যুগ যুগ।
পূণ্য তীর্থ কলকলি ঘাট
তীর্থর মাজে নাঙ পালসে।
রকতর গঙ্গা দাবদিরি
১৬ই মার্চ ইমার নাঙে।
দুখিপা আহিয়ে দেহেসিল
রকতর ভূগ এইরুক।
ঔ এইরুকে ফিরালে আজি
ইমার মেয়েকগি ঙালসে।
ঔ এইরুকে আজি পূজার
ঘন্টিগ রহের লেইশাঙে।
,,অর্চনা সিংহ,,,
