আমার সমাজে করিয়ার রাসলীলার অকরাগত দুগো মনিষির নাঙ না লয়া নার। আগ অইলতাই রাজর্ষি ভাগ্যচন্দ্র মহারাজ যেগই মণিপুরী রাসলীলা হান লিংখাত করেদেসিল যে রাসলীলাহান সমাজর অংশ আহানে আমার 'জাতীয় উৎসব' হান বুলিয়া দাবী করিয়ার। যদিও মণিপুরী রাসলীলা লিংখাত করেকুরা রাজর্ষি ভাগ্যচন্দ্র মহারাজ গিরকরে আমি কতি নিয়াম সামাজিক ভাবে  সন্মান দিয়া পারেসি এহান খাল্করানি বারো য়ারি-পরি দেনীর বিষয় আহান। আরাক আগ অইলতাই শ্রীল নরোত্তম দাস ঠাকুর, জেগর নাঙহান রাসলীলা অকরতে গৌরচন্দ্রিকাহানাত য়ওর ' নরোত্তম দাস কয়, নিত্য লীলা সুখময়। সেবা দিয়া রাখো শ্রী চরণে।। জয় জয় বৃন্দাবন চন্দ্র।।' বৈষ্ণবাচার বারো বৈষ্ণব রীতিনীতি লো চর্চা করতারা মণিপুরী (মেইতেই বারো বিষ্ণুপ্রিয়া) গিরি-গিথানিয়ে মাত্তারা মণিপুরী বৈষ্ণব এহান কত্তহান বৈষ্ণব সম্প্রদায়রমা শ্রীল নরোত্তম দাস ঠাকুরর সম্প্রদায় হানাত পরের, কিয়া বুল্লে এ সম্প্রদায়র বৈষ্ণব শ্রীল রূপ পরমানন্দ ঠাকুর গিরকে মণিপুরে গিয়া রাজর্ষি ভাগ্যচন্দ্র মহারাজ গিরকরে বৈষ্ণবে দীক্ষিত করেসিল, জেহানাত্ত মণিপুরী (মেইতেই বারো বিষ্ণুপ্রিয়া) বৈষ্ণবে দীক্ষিত অসিলা, যদিও সমাজে এহানও বিশ্বাস আসে যে আমি মণিপুরে আগেত্তই বিষ্ণু-উপাসক বৈষ্ণব আসিলাঙ, পিসে রাজর্ষি ভাগ্যচন্দ্র মহারাজর সময় রাধা-কৃষ্ণ উপাসক বৈষ্ণব...

‘খুমল পুরান’ --- মনিপুরে গৌড়ীয় বৈষ্ণব ধর্ম সিতারানির পরেদে লেংকরেসি লেইরিক হান । মূলত প্রাক-বৈষ্ণব যুগর ওয়ারি-পরি সামদিয়া মনিপুর মেইতেয়ী করণর পরেদে পন্ডিত লবখেন্দ্র গিরকে লেঙকরেসে হান । এহানাত শান্তদাস গোস্বামীর ওয়ারি আসেতা থকয়া লেপনি পারিয়ার খ্রিস্টীয় অষ্টাদশ শতাব্দীর মাপাদে সম্পাদনা করেছেন। অও হাকতাকর খুমল রাজাই তানুর বংশর ইতিহাস বুলিয়া য়াকরেসে । উতা বাদে এহানাত থাইনাকার মণিপুরর প্রাকৃত-ভাষীর প্রাক বৈষ্ণব যুগর ধর্ম-বিশ্বাস সম্পর্কে লিম আগ আমি পেয়ার –উহানে প্রত্যেক বিষ্ণুপ্রিয়া মণিপুরীরতা তামকরানি থক বুলিয়া মি নিঙকরুরি । যদিচ বিষ্ণুপ্রিয়া ভাষী য়ামপারাই এহান না করতারা, গুরুত্ব নাদতারা। মেইতেই ঠারে লেঙকরা ‘খুমল পুরান’ এহান বিমল দার(ত্রিপুরার জনপ্রিয় সাস্থ্য মন্ত্রী শাহিদ বিমল সিংহ) হেইচায় থৌতালে অজা নবদ্বীপ সিংহ গিরকে বিষ্ণুপ্রিয়া মণিপুরী বারো ইংরেজিল অনুবাদ করেদেসিল । মি লেরিক উহানর বিষয়-বস্তু ব্যাখ্যা সহ হাবির লগে share করানি মনেয়া ধারাবাহিক ভাবে খানি এডিট করিয়া পোস্ট করানির হতনা করুরি(মর ব্যাখ্যা য়ামপারাগই চুম না’পেইতাই—যেতা অইলেইও ওয়ারি-পরি দিয়া সঠিক পথ আগদে ইলনির হতনা থাইতই)--------“রাধা-কৃষ্ণরে হমা দিউরি । হর-গৌরীর চরনেও হমাদিউরি । দিন-মাহারেও হমা –দিউরি । খুমোল গুরু,লুয়াং গুরু,মাঙাঙ গুরু –এ তিন গুরুর শ্রীচরণে মি মর প্রণাম জানাউরি । গুরুজন এতা হাবির কৃপায় মি এরে খুমোল পুরাণ এহান ইকরানি...