মরন নিংশ্বার খেলা
মরন নিংশ্বার খেলা
******************
নাগৈ নাগৈ এ আধার
হামেসা নাথার।
কালা চিঙ্খেইর পরে
বিয়ান ফুয়ার।
রাতিকার মাকু ডাকে
সুপ না ডরেই,
মুঙে কাকেই কারানি
সুপ না জিরেই।
নিশানা থৈইস হাগে
সাচাকর ঙালে,
সর চেয়া নুকুলিস
ঊষা যাত্রা কালে।
পথর মেরাকে আয়া
না চেইস পিঠি,
আটাউটি করের হে
কত শত তিথি।
আশার ঘর না পাতি
কাকেয়ে কাকেয়ে,
দিদিনর হারৌ তর
পথর কামেয়ে।
এরে ঠাচা নেই জিনা
অতিত গ হে তি,
মরন নিংশ্বার খেলা
পাহুরর কতি।
,,অর্চনা সিংহ,,
