Sharing some of my Father’s (Mr. Nani Babu Sinha) works
হাফলং, ফুলর সংসার এরে কাব্য দ্বিয়হানিত ১৬গ কাঠি মি দেছু.
কাঠি
(৭)
স্বার্থক
ফুল আগর জীবনহানতে
দিন আহানর কা হে
পূজাত দিলে স্বার্থক অইল
নাইলে মাঙইল তা হে
(৮)
সর পটানি
ইমা বাবা নিংকৌ এতা
গর বেলেয়া গেলাগা
মামী ডাডী নিংকৌ এতাই
ফিটা পারিয়া বইলাহা
(৯)
আপনজন
আপনজন পেইং বুল্লে
মরিয়াউ চা পেইতেই
জিংতা অয়া থাইতে কিন্তু
খৌরাঙ অয়া থাইতৈ
(১০)
মুড় নঙানি
ফেইচমহান ফিতুপরে
হাস্য করিয়া মাতের তা
চু নায়াতে কিয়াকা থাং
ফেইতুপ অয়া আটরতা
ফিতুপহানে আহিয়া মাতের
না টটরেই ডাঙর দা
মুড়গ তুলিয়া আকফির চা তা
মি কুমপেই আসুতা
(১১)
হুশিয়ার অইক
ডেঙে ডেঙে বয়া বয়া
গাছজার তে না কাপবাং
বেহুশ অয়া কাম করতেগা
গুড়া নাছাগ অপরবাং
(১২)
একিন
হাতুরানি হিকিং বুল্লে
জানতেকুরা লগে থইছ
ধর্মর লেরিক হুনিঙ বুল্লে
ইঙগ অয়া হুনিয়া বইছ
কুন য়ারি দেনা অইলে
গাঠি বাদিয়া খানি থইছ
