হুনার আউর
হুনার আউর
*************
অর্চনা সিংহ
স্বর্গ পালসে হে ,স্বর্গ পালসে হে ,
মর জরমর মাটি
উরে আউর মাটি।
নেম টেকা মাটি,আউরে হুনা গাঠি,
লপুক বুজের ধানে,
খেরা সানে সানে।
উরে আউর মাটি।
টেঙারার পেটে পাহাঙ্পা চেপচেপে,
লিকলিকা পানি দাবদের।
লপুকৌ মেলদের।
সরাহানর পটে,বটজারর লতে,
নানর য়ারির খলৈ।
খুচিদরা গৈগৈ।
মর জরমর মাটি।
উরে আউর মাটি।
বাগুয়া সরার পানিয়ে বুরার,
লপুকে খরার ফাটা,
পানি আটা আটা।
উরে আউর মাটি।
মর মালক গ খাটি।
