“ মণিপুরী( বিষ্ণুপ্রিয়া গৌড়ীয় মেইতেই) ‘লীলা কীর্তনর উৎস বিসারেয়া“
বৈষ্ণব-ভক্তিশাস্ত্রকার রূপগোস্বামী ‘ভক্তিরসামৃত সিন্ধুৎ কীর্তনর সংজ্ঞা দিয়াসেতা –‘নাম-লীলা-গুণাদীনামুচ্চৈর্ভাষা তু কির্তনম’ –(‘নাম, লীলা ও গুণাদির উচ্চৈ:স্বরে উচ্চারণ করাকে কীর্তন বলে’)৷ জীবগোস্বামী বারো সনাতন গোস্বামী ‘ভক্তি-সন্দর্ভ’ বারো ‘হরিভক্তিবিলাসে’ “ওষ্ঠ-স্পন্দনমাত্রেণ” কীর্তন বুলেসি তিন প্রকার –১) নামকীর্তন, ২)গুণকীর্তন (যেমন-আরতি), বারো ৩)লীলাকীর্তন ৷ শ্রীচৈতন্যমহাপ্রভুএ হাবিরে হরিনাম সংকীর্তন বা নাম কীর্তন করানির য়াথাং দেসিল, কিন্তু গুণকীর্তন বারো লীলাকীর্তন করানির য়াথাং হাবিরে না-দেসিল ৷জীব গোস্বামী গিরকে মাতেসেতা,— “মনহান-সেংনাসে (চিত্তশুদ্ধিনাসে) পেয়া হুদা ‘নাম-সংকীর্তন’ করানি পারতারা ৷মনহান সেঙঅইলে পরে (চিত্তশুদ্ধি অইলে)’শ্রীকৃষ্ণর রূপকীর্তন’ বা ‘রূপসম্বন্দ্বীয়কীর্তন’ (যেহান গুণ কীর্তনর পারেঙে পরের ) করানির অধিকার পেইতাই৷ভক্তিমার্গে আরাকও আগুয়েইলে- মন-আরাকও সেঙঅইলে ‘শ্রীকৃষ্ণর লীলাকীর্তন’ করানি বা দেহানির অধিকার পেইতারা৷”(‘বৈষ্ণব পদাবলী সাহিত্যেরপশ্চাতপট ও উত্স’ –by শ্রীদেবিদাস ভট্টাচার্য)৷
বিষ্ণুপ্রিয়া মনিপুরী হিসাবে আমি ভক্তি-বাদ ইলয়া যে-যে কুমেই-পিয়ম(কীর্তন) মূর্তি-পালকরিয়ার উতা অধিকাংশই লীলা-কীর্তনর পারেঙে পরের; যেমন –‘রাসলীলা’, ‘রাখোয়াল’ ‘বাসকলীলা’ ‘রস-কীর্তন ৷নবদ্বীপে মহাপ্রভু শ্রীবাসর গরে দুয়ার-গাটিয়া অদ্বৈত, গঙ্গাদাস, মুরারি, গোপীনাথ এসাদে শিষ্য-সামন্তল কীর্তন করেসে; হাবিযে হুনানি বা দেহানির সূযোগ না-পাসি৷ দেবিদাস গিরকে মাতেসেতা —- “মহাপ্রভু অন্তরঙ্গ ভক্ত-জনের সঙ্গে জয়দেব বিদ্যাপতি চন্ডিদাসের বিচ্ছিন্ন পদ আস্বাদন করিতেন ৷ধারাবাহিক পদাবলী রচনা বা পদাবলী কীর্তন পদ্ধতি তখনও সৃষ্ট হয় নাই ৷বহির্মুখ ভক্তদের জন্য ব্যবস্থা ছিল ‘নাম-সংকীর্তন’৷ বর্তমানে যে কীর্তন-পদ্বতি প্রচলিত আসে,তাহার প্রবর্তন করেন নরোত্তম দাস৷তাহার আগে পদাবলী(বৈষ্ণব)পালাবন্দিভাবে গাওয়া হইত না, বা ধর্মানুষ্ঠানের অংশরূপেও পরিগণিত ছিল না ৷পদাবলী গান তখন উঁচুদরের বৈঠকী সঙ্গীত ছিল ৷জয়দেবের সময় হইতে পদাবলী গানের যে রীতি মিথিলায় ও বাংলায় চলিত ছিল তাহার আধারে নরোত্তম (নরোত্তম দাস) পদাবলী-কীর্তনের ঠাট বাঁধিয়া দিলেন৷” (‘বৈষ্ণব পদাবলী সাহিত্যের পশ্চাতপট ও উত্স’ –by শ্রীদেবিদাস ভট্টাচার্য)৷
—- আমি এবাকা মূর্তি-পালকরিয়ার রস-কীর্তন উহান নরোত্তম দাস-র পারেঙ ইলয়া করিয়া কীর্তন হান ৷ সপ্তদশ শতাব্দীত কীর্তনর (পদাবলী) চারিহান লিটিং আসিল –১) ‘গরাণহাটি’(নরোত্তম দাসর পারেঙহান),২)‘ঝাড়খন্ডি’ (বাঁকুড়ার বিষ্ণুপুর অঞ্চলর পারেঙহান,) ৩)মনোহরশাহী(শ্রীখন্ড বারো কাটোয়া অঞ্চলর পারেঙহান)বারো ৪) ‘রেণেটি’(বর্ধমান অঞ্চলর পারেঙহান) ৷বিষ্ণুপ্রিয়া মণিপুরীয়ে মূর্তি-পালকরিয়ার রস-কীর্তন উহান লীলাকীর্তনহান – নরোত্তম দাস গিরকর পারেঙ ইলয়া করিয়ারহান৷এহান উপস্থাপন করতে আমার অজারেলে পিদতারা ফিরই-ফিজেত বাদ্যযন্ত্র হাবি বাংলা অঞ্চলর কীর্তনিয়ায় ব্যবহার করতারা উতাত্ত তঙাল ৷এলার সুর-তাল হাবিতা তঙাল; হাবিত্ত বিরল অংশহান আমার কুমেইর “রাগ’গ”; হুদা পদাবলীর এলা বাদে হাবিতাও ভারতর আর-আর অঞ্চলর কীর্তনেত্ত চানাপা তঙাল৷ প্রাক-চৈতন্যযুগর বিদ্যাপতি বারো বঁড়োচন্ডিদাসর ‘শ্রীকৃষ্ণ-কীর্তন’ আমার রসকীর্তনর রস-কীর্তনর সাদে মূর্তি-পালকরে থাইবা বুলিয়া অনেকগই নিংকরতারাতা৷ আরাক বিষয় আহান বাংলা অঞ্চলে চৈতন্যযুগে বহির্মুখ ভক্ত(সাধারন ভক্ত?)রে পদাবলী কীর্তন করানি বা হুনানির ব্যবস্থা নেয়অসিল বা নিষিদ্ধ অসিল; তানুরে ‘নামসংকীর্তন’করানির য়াথাং মহাপ্রভুএ দিয়াসিল৷(মধ্যযুগে ভারতবর্ষর আর-আর অঞ্চলর ঠুনা বাংলাত বর্ণভেদ প্রথা জবর অসিল৷ সাধারণ মানুর ডাঙর অংশ আহানরে মন্দিরে হমানিই না-দেসি; যেতারে নিম্ন-বর্ণরতা বুলিয়া নিংকরলা, এবং এসাদে মানু বাংলাত হাবিত্ত বপসিলা৷ উহানে দাপা-দাপা নিম্ন-বর্ণর মানু ইসলামধর্ম লইলাতা৷শ্রীচৈতন্য উসাদে উতারে ‘হরিনাম’ সলকরানির অধিকার দিয়া ইসলামধর্ম বিস্তারর হুতগ উবাকা আটকাসিল৷) বিদ্যাপতির পদাবলীর ভাব বারো লিটিং ইলয়া পঞ্চদশ শতাব্দির পরে বাংলা,আসাম বারো উড়িষ্যাত ভগ্ন-মৈথিলী বা ব্রজবুলি ঠার সৃষ্টি অসিল৷ জয়দেবর গীতগোবিন্দর গীতি-কবিতার অনুকরণে বাংলা, আসাম, মিথিলা বারো আর-আর লামেদে ব্রজবুলি ঠারে রাধা-কৃষ্ণ কেন্দ্রিক বৈষ্ণবপদাবলীর হুত্গই পাহেসিল৷ বৈষ্ণবপদাবলী ঠার এহান পইলা আসামেই ‘ব্রজবোলি’ নাঙ পাসিল৷
মিথিলার বাইরে ব্রজবুলি ঠারর প্রাচীনতম প্রাক-চৈতন্য যুগর পদাবলী দুহান –1)যশোরাজ খানর-“এক পয়োধর চন্দন লেপিতে আরে সহজই গোর”—বাংলার নবাব হুসেন শাহর রাজত্বকালে(1493-1519খ্রী:)লেংকরেসেহান বুলিয়া নিঙকরতারা৷
2)ত্রিপুরার মহারাজা ধন্যমানিক্যর(1490-1522 খ্রী:)সভাকবি রাজ-পন্ডিতর –“প্রথম তোহর প্রেম গৌরব বাড়লি গেলি”৷
বাংলা ঠারে বৈষ্ণবপদাবলী লেঙকরানি অকরেসিতা উতার প্রায় দুইশতাব্দী পিসেদে৷
ত্রয়োদশ শতাব্দীর মাপাদে মৈথিলী ঠারে নাট্যচর্চার নিদর্শণ আসে! মৈথিলী নাটকর ধারা আহান অইলতাই – “কীর্তনীয়া নাটক৷–“মিথিলায় অনেক ধরনের অভিনেতা সে যুগে ছিলেন যাঁদের মধ্যে কির্তনীয়া অভিনেতারা ছিলেন মাত্র অন্যতম গোষ্ঠী৷ এদের ‘কীর্তনীয়া’ বলা হতো কারণ, এরা এদের নাট্যাভিনয়ের মধ্যে দিয়ে ভগবানের (শ্রীকৃষ্ণের) কীর্তন করতেন”৷(-‘মৈথিলী সাহিত্যের ইতিহাস’-by জয়্কান্ত মিশ্র,অনুবাদ উদয় নারায়ন সিংহ,পৃষ্টা -১৪৬)৷ প্রাচীন মৈথিলী নাটক নেপাল বারো আসামে পঞ্চদশ শতাব্দীর মাপদেই সিতারাসিল৷ প্রাচীন কালেত্ত আসামর লগে মণিপুরর সাংস্কৃতিক সম্পর্ক আসিল৷ উহানে নিঙে অর, গৌড়ীয় বৈষ্ণবধর্ম প্রচারিত অনার লাহুল আগেই ব্রজবুলি ঠারর বৈষ্ণবপদাবলী বারো কীর্তনীয়া নাটক অসামেত্ত মনিপুরে সিতারা থাইব৷তবে মেইতেইর মা কীর্ত্তানা বুলিয়া দাপা আহান আসি, মেইতেয়ে ‘কিতনা’ মাত্তারা, মুলত ‘কীর্তনীয়া’ত্ত আহেসে ৱাইগ৷তানু কর্মকার, দত্ত, রায় এসাদে মণিপুরী পদবী ব্যাবহার করতারা৷ ত্রিপুরর আগরতলা বারো বিশালগড় মহকুমাত আসি৷মণিপুরে আসি উতা এবাকা পদবী পটেইলা৷অষ্টাদশ শতাব্দীর মাপাদে বৈষ্ণব ধর্ম মণিপুরে রাজধর্ম পালইল খেলতামে মণিপরে বাংলাত্ত আহেসিতা৷মণিপুরী নিঙল লুহঙ করিয়া স্থায়ী ভাবে বসতি অসিতা, উতার দারা-নালাই পিতৃ পদবী ধরিয়া থইলেও মেইতেই তানুর ইমা ঠার হিসাবে লইলা৷পইলাদে তানুরে উপযুক্ত সম্মান দিলেও পরবর্তী হাকতাকে শূদ্র বুলিয়া চিহ্নিত করলা, মেইতেয়ে এবাকা পেয়াও অনেক ক্ষেত্রে আতল্পাতা বুলিয়া থিংকরানি মনেইতারা৷মণিপুরে বাংলা পদাবলী সিতারানির ক্ষেত্রে কীর্তানার ভুমিকা য়া করনি লাগতই৷নিঙে অর এতার প্রভাবে মণিপুরে প্রচলিত আসিল মেথিলী ঠারর ব্রজবুলী পদাবলী তাপকো-তাপকো কমসেতা৷
ত্রয়োদশ শতাব্দীর লাহুল আগেই লোকতাকর পারে প্রাকৃতভাষী পালয়া আসিলা ৷পঞ্চদশ শতাব্দীত লিংখাত অসে ‘বিষ্ণুমন্দির’গই(উত্তর-পূর্ব ভারতর প্রাচীনতম মন্দির আগ)উহান প্রমাণ করের৷ বিষ্ণুমন্দির এগ কেন্দ্র করিয়া ভক্তিবাদ সিতারতই উহান স্বাভাবিক হান ৷ আসাম ত্রিপুরাত গৌড়ীয়বৈষ্ণব ধর্মর উপস্থিতি নাথাইলেও ব্রজবুলি সাহিত্যর চর্চার নিদর্শণ আসে ৷অষ্টাদশ শতাব্দির মাপদে মণিপুরে গৌড়ীয় বৈষ্ণবধর্ম সিতারাসে, বারো বাংলা বৈষ্ণব পদাবলী চর্চার হুত্গই পাহেসে ৷সম্ববত নরোত্তম ঠাকুরে পালা-বন্দি করেসে কীর্তন’র পারেঙ উতাই আমার রসকীর্তনর তত্বগত এলার লিটিং ৷ উতার লগে থাইনাকার দিনে লোকতাকর পার-র প্রাকৃতভাষী মানিপুরিয়ে মূর্তি-পালকরলা ধর্মীয় কুমেইর সু-সমন্বয়ে সৃষ্টি অসে মনিপুরি নট-কীর্তন বা রসকীর্তন ৷ এহান মণিপুরী বৈষ্ণব ধর্ম-সংস্কৃতির লু-পা কুমেই আহান; যেহান লীলা-কীর্তনর পারেঙে পরের ৷মণিপুর নট কীর্ত্তন সম্পর্কে পণ্ডিত জওহরলাল নেহেরু মন্তব্য হান লালবাবু সিংহ বিদ্যাভূষণ ভক্তিতীর্থ গিরকে ‘ভক্তিতত্ত্বমালা’লেরিক উহানাত ঊল্লেখ করেসে, –পাড়েঙ উহান এপেইত থম্ দেওরি–“রাষ্ট্রনেতা শ্রীযুক্ত জওহরলালজী মণিপুর পরিভ্রমনে গিয়া, তাঁহার অভিনন্দনার্থে গরিব মণিপুরীদের অনুষ্ঠিত গায়ক, বাদক,পালাগণ সহ সমারম্ভিত সঙ্কীর্ত্তন দর্শনে কীর্ত্তন পদ্ধতির সৌষ্টবে মুগ্ধ হইয়া অন্তরের সহিত মুক্ত কন্ঠে প্রকাশ করিয়া বলিয়াছিলেন যে, মণিপুরী কীর্ত্তন অমরাপুরী তুল্য'”( ভক্তিতত্ত্বমালা’ পৃ-১০৩)৷
নুবাদ করেসেতা–
বাঁকুড়ার বিষ্ণুপুর সহ সমগ্র বাংলা অঞ্চলে অনুষ্ঠিত অর গৌড়ীয় বারো আর-আর বৈষ্ণব-পদাবলী কেন্দ্রিক কীর্তন উতা হাবি গুণ-কীর্তনর পারেঙরতা ৷ আমার রাস এহানও হাবিত্ত লু-পা লীলা-কীর্তন হান ৷ ভারতর আর কোন অঞ্চলে এসাদে পূর্ণাঙ্গ রাসলীলা মূর্তি না-পালকরতারা ৷ একমাত্র মণিপুরী রাসলীলা-ই ভাগবতর রাস’হান ইলয়া মুর্তিপালর হান ৷আহমেদাবাদে মণিপুরী রাস হান দর্শন করিয়া মহাত্মা মাতেসে উহান লালবাবু সিংহ বিদ্যাভূষণ ভক্তিতীর্থ গিরকে বাংলা অনুবাদ করেসেতা— “আমি ভাগবতের রাসলীলা পাঠ ও স্মরণ করার সময়ে রাসের যে সব দৃশ্য চক্ষুসির করিতে ইচ্ছা করিয়াও রাস মণ্ডলীতে রাধাকৃষ্ণ ও গোপীগণের দাড়ানোর ভঙ্গী,নৃত্যভঙ্গী, তালমান ও গানস্বর প্রভৃতি দৃশ্যের পরিচয় ঠিক করিতে পারি নাই৷ সেই দৃশ্য আজ মণিপুরী রাসলীলা সন্দর্শনে বিশুদ্ধ ভাবে অনুভব ও রসাস্বাদন করিতে সমর্থ হইলাম৷ আমি বলিতে পারি যে, ভারতের নানা স্থানের রাসলীলার সর্ব্বোপরি মণিপুরী রাসলীলা সর্বাংশে প্রসংশিতব্য”৷(‘ভক্তিতত্ত্বমালা’ –পৃ-102)
বাঁকুড়ার বিষ্ণুপুর রাসমঞ্চে রাসলীলা শাস্ত্রীয়ভাবে মূর্তিপালৈলেতে রবীন্দ্রনাথ ঠাকুর মাছিমপুরে আয়া মণিপুরীরাস দেহিয়া নুঙ-পাঙ অনার য়ারি নেয়সিল !গিরক এহানেই আসল রাস’হান হারপেয়া বাংলা তথা বহির্বিশ্বে মণিপুরী রাস এহান পাল্করানির ঠৌরাং করেসেতা ! নিঙে অর বাঁকুড়ার বিষ্ণুপুরর রাসমঞ্চে লিংখাত করেসি রাস-উতা ‘লীলা-কীর্তনর পারেঙে না-পরতই ! উতা বাংলার আর-আর অঞ্চলর গুণ-কীর্তনর ঠুনা রাধা-কৃষ্ণর মূর্তির মুঙে বয়া রাধ-কৃষ্ণর এলা(পদাবলী) দিয়া থাইবা ! আগেও মাতেসু বাঁকুড়ার বিষ্ণুপুর অঞ্চলর এলার টেঙঠা (ডঙ) উহান “ঝাড়খন্ডি’ বারো আমার এলার পারেঙ এতা “ঝাড়খন্ডি নাগই ! উহানে আমার রাসলীলার লগে বিষ্ণুপুরর রাস-মঞ্চ হিস আগাস সম্পর্ক নেই !
(আগে দেসুহান সেংকরে page এহান পোস্ট করলু)
